Дорноговь аймгийн төв Сайншанд болон Замын-Үүдийг холбосон 120 км хатуу хучилттай замыг түшиглэн Сайншанд-Замын-Үүд чиглэлд том оврын автобусаар иргэдэд үйлчлэхээр болжээ.
Галт тэргээр зорчдог байсан эл чиглэлд автобус иргэдэд үйлчилснээр цаг хугацааг ихээхэн хэмнэх бөгөөд тус үйлчилгээг сар шинийн дараагаар эхлүүлэхээр болсон байна. Үйлчилгээнд 45-аас дээш хүний суудалтай, нийтийн тээврийн стандарт, шаардлага хангасан том оврын автобус гарах ажээ.