2013 онд хамгийн олон буюу 79 780 хүүхэд мэндэлжээ

Өнгөрсөн онд улсын хэмжээнд  79371 эх амаржиж, амьд төрсөн хүүхдийн тоо 79780 болжээ. Өмнөх оныхоос амаржсан эхийн тоо 4897 буюу 6.6 хувь, хүүхдийн тоо 5002 буюу 6.7 хувиар өссөн байна. Нийт хүн амын тоо урьдчилсан дүнгээр 2 сая 931 мянга 332-д хүрчээ.

Мөн мал тооллогын өнгөрсөн оны эцсийн дүн гарчээ. Эцэслэсэн дүнгээр малын тоо толгой 45 сая 144 мянгад хүрсэн байна. Малын тоог 5 төрлөөр авч үзвэл адуу 2,6 сая, үхэр 2,9 сая, тэмээ 321 мянга, хонь 20 сая, ямаа 19,2 сая тоо толгой тоолуулсан байна.