Хүүхдийн иж бүрэн эмнэлэг байгуулах аянг орон даяар зарлалаа

Манaй улсад эмнэлэг тэр дундаа төрөлжсөн хүүхдийн эмнэлэг байдаггүйгээс болж хүүхдийн өвчлөл, эндэгдэл ихтэй байдаг билээ. Мөн эмч, эмнэлгийн орны хангалтгүйн улмаас эмнэлгийн коридорт эрүүл ахуйн шаардлага хангахгүй нөхцөлд хүүхэд багачууд үйлчлүүлж, зарим нь эмчлүүлж ч чадахгүй бүр эмнэлгээсээ ч өвчин тусаж байгаа.

Тэгвэл   Монголын залуучуудын холбоо, Монголын сурагчдын холбоо, Монголын скаутын холбоо зэрэг хүүхэд залуучуудын байгууллагууд нэгдэж, олон нийтийн оролцоо хандив тусламжаар хүүхдийн орчин үеийн иж бүрэн клиник  эмнэлэг байгуулах “Надад мөрөөдөл бий“ нэртэй хүмүүнлэгийн аянг эхлүүлж байгаа тухайгаа танилцууллаа.

Энэхүү сайн үйлсийн аянд олон нийт, байгууллага, иргэдийг идэвхитэй оролцохыг уриалж байна.