Үнэт цаасны бүртгэлийн журмыг шинэчлэн баталлаа

Санхүүгийн зохицуулах хорооны ээлжит хуралдаанаар Үнэт цаасны бүртгэлийн журмыг шинэчлэн баталлаа. Ингэснээр 2009 оны хоёрдугаар сарын 19-ний өдөр батлагдсан үнэт цаасны бүртгэлийн журам хүчингүй болж байна. Шинээр батлагдсан “Үнэт цаасны бүртгэлийн журам” нь хөрөнгийн зах зээлийн шинэ орчин, систем болон зах зээлд шинээр нэвтэрсэн эрх зүйн актуудтай уялдаа холбоотой байх бөгөөд үнэт цаасны бүртгэлийн үйл ажиллагааг илүү олон улсын стандартад нийцсэн, энгийн, ойлгомжтой болгожээ. Түүнчлэн үнэт цаасыг шинээр бүртгэхэд Санхүүгийн зохицуулах хорооноос тавих хяналт, Монголын хөрөнгийн биржээс тавих шалгуур гэх зэрэг олон асуудлыг тодорхой болгосон байна.

Д.Амар