Дэлхийн тэрбумтнуудын тоо 414-өөр нэмэгдсэн байна

 Хятадын “Хужунь” сэт­гүү­лийн хийсэн судал­гаа­гаар дэлхийн улс орнуудад  ам.долларын 1867 тэрбум­тан бүртгүүлсэн нь өнгөрсөн оны мөн үеийнхээс 414-өөр нэмэгдсэн тоо гэнэ.

АНУ 481 тэрбумтантай­гаар жагсаал­тыг тэргүүлж, Хятад улс /Хонконг, Ма­као, Тайванийн хамт/ 358, ОХУ 103 тэр­бум­тантай­­гаар удаал­жээ.

Дэл­хийн  тэрбумт­нуу­дын нийт хө­рөнгө 6.9 их наяд ам.дол­лар болсон нь дэл­хийд эдийн засгаараа гурав­ду­гаарт би­чигддэг Япон улсын нэг жилийн ДНБ-ээс их байгаа юм. АНУ-ын эдийн засаг сэргэж, мэ­­дээлэл тех­нологийн сал­ба­рын зах зээлд эзлэх байр суурь нь нэ­мэгдсэнээр тус улсын тэр­бумтнуудын тоо огцом өсчээ.

Дэлхийн хамгийн баян хүнээр “Microsoft” ком­панийг үндэслэгч Билл Гейтс бичигдсэн бөгөөд түү­ний хөрөнгө нь 68 тэрбум ам.доллар ажээ.