Өглөө.мн Шинэ өглөө, Шинэ мэдээлэл
АНУ-ын Калифорни мужийн нэгэн гэр бүл цэцэрлэгт нохойгоо салхилууж яваад санамсаргүйгээр их хэмжээний эрдэнэс олсон ажээ. Нохой нь гэнэт модны доор нүх ухаж эхлэхэд нь эхнэр, нөхөр хоёр тусалсан гэнэ. Азтай хос нүхэнд нэгэн төмөр лааз байсныг гаргаж ирсэн нь алтан зоос бүхий эрдэнэс байжээ.
Тэд цааш ухаж, найман лаазанд хийж булсан эрдэнэс олсон байна. Нийтдээ 1847-1894 оны хооронд хийсэн 1427 ширхэг алтан зоос олсон бөгөөд ямар ч сэв суугаагүй байсан нь модны сүүдэрт булсантай холбоотой аж.
Зарим алтан зоосны нэг ширхэг нь 27 мянган ам.доллар хүрэх бол бүр ховор нь нэг сая ам.доллар болох талаар Санта-Ана хотын зоос цуглуулагч хэлжээ. Тэдний олсон алтан зооснууд нийтдээ 10 сая гаруй ам.долларын үнэ хүрэх гэнэ.
Эхнэр, нөхөр хоёр олсон зооснуудынхаа ихэнхийг нь худалдаж, өрөө төлөхөөр шийдсэнээс гадна буяны байгууллагад хандив өгөхөө хэлсэн байна.
