Өглөө.мн Шинэ өглөө, Шинэ мэдээлэл
“Автобус-1” ОНӨҮГ-ын автобусанд зорчиж байгаад гэмтсэн тохиолдолд тасалбараа үзүүлээд даатгалаас нөхөн төлбөр авч эмчлүүлэх боломжтой болжээ.
Тус байгууллагынхан энэ үйлчилгээг нэвтрүүлээд удаж байгаа ч иргэд энэ талаар мэдээлэл муутай байдгийн дээр тасалбараа хаяснаас даатгалд хамрагдаж чаддаггүй аж.
Тухайлбал зорчигч автобусанд явж байхдаа гэмтвэл кондукторт хэлж тэмдэглүүлэн, тасалбараа хадгалах ёстой гэнэ.
Дараа нь “Автобус-1” ОНӨҮГ-т хандаж тасалбарын серийн дугаарыг шалгуулах бөгөөд автобусны чиглэл, кондукторын мэдээлэл таарч байвал тодорхойлолтыг даатгалын компанид гаргаж өгдөг аж.
Ингэснээр даатгалын компани гэмтэл бэртлийн зэргээс хамаарч эмчилгээний зардлыг олгодог байна.
Д.Од
