Өглөө.мн Шинэ өглөө, Шинэ мэдээлэл
АНУ-ын “Silicon Valley” буюу Цахиурт хөндийн нэгэн тэрбумтан өөрийгөө 201 сая ам.доллараар даатгасан байна. Тэрбумтны нэрийг нууцалж байгаа бөгөөд 19 даатгалын компани түүний даатгалыг хийхээр долоон сарын хугацаанд ажилласан гэдэг мэдээлэл тодорхой болсон аж.
Учир нь даатгалын нэг компани тийм их хэмжээний мөнгөн даатгал хийхэд хүндрэлтэй байдаг гэнэ. Гиннесийн амжилтын номд энэхүү даатгалын хэмжээг бүртгэхийн тулд гурван сарын турш нягталж үзжээ.
Даатгалаа ингэж их мөнгөөр хийлгэж байгаа нь тэрбумтныг нас барсны дараа түүний залгамжлагчид хөрөнгөө авахын тулд 45 хувийн татвар төлөхгүй байхтай холбоотой гэнэ.
Өмнө нь 1990 онд Холливудын магнат Дэвид Геффен 100 саяар даатгуулж байсан нь дээд амжилтад бүртгэгдэж байсан юм.
эх сурвалж: Өглөөний сонин
