Монголын анхны лааны тосон баримлын музей үүдээ нээлээ

Монголд анх удаа лааны тосон баримал бүхий музей үүд хаалгаа нээлээ. Тодруулбал, Монголын аялал жуучлалын холбоо, “Чингис хаан вакс галерей” компани хамтран “Хаадын хаан” лааны тосон үзэсгэлэнг өнөөдөр Монголын театрын музейд нээсэн юм.

Үзэсгэлэнд Чингис хаан ба Монголын эзэнт гүрнийг байгуулахад түүхэн үүрэг гүйцэтгэсэн Өгөөдэй, Цагаадай, Зүч зэрэг 12 эрхмийн баримлыг тавьсан бөгөөд баримлуудыг хоёр жилийн турш урласан байна. Уг тосон фигурүүд нь түүхэн баатруудын талаар арай илүү бодит дүр төрхийг харуулж, судлаачдын гаргасан баримт нотолгоон дээр суурилан хийснээрээ онцлогтой аж.

Өнөөдрөөс эхлэн үзэсгэлэн олон нийтэд нээлттэй болж байгаа учраас сонирхсон хүмүүс үзэх боломжтой юм байна.