Цэргийн бүртгэл даваа гарагт эхэлнэ

2015 оны нэгдүгээр сарын 5 бол шинэ оны ажлын эхний өдөр билээ. Энэ өдөр Нийслэлийн хэмжээнд  цэргийн үүрэгтэн, бэлтгэл офицеруудын бүртгэл эхэлнэ.  Энэхүү бүртгэлд 60 хүртлэх насны бэлтгэл офицерууд, 18-50 насны эрэгтэйчүүд, цэргийн анги, байгууллагад ажиллаж байгаа генерал, офицер, ахлагч, гэрээт цэргийн албан хаагч, цэрэгжсэн болон үндэсний аюулгүй байдлыг хангах тусгайлсан чиг үүрэг бүхий байгууллагын албан хаагчид хамрагдана.

Тэд өөрсдийн оршин сууж буй хороон дээрээ очиж бүртгэлээ хийлгэх бөгөөд бүртгэл энэ сарын 20-ыг хүртэл үргэлжилнэ.
.