Монгол бүсгүй цахим гэмт хэрэгт өртжээ

Гадаадын иргэнтэй үерхэж байсан монгол бүсгүй цахим гэмт хэргийн хохирогч болсон тохиолдол БНСУ-д гарчээ.

Д гэх бүсгүй Узбекстан улсын иргэн 23 настай А-тай үерхэж байгаад харилцаагаа дуусгавар болгох гэснээр уг хэрэг гарсан байна. Тодруулбал, Узбекстан залуу нууцаар бичлэг хийж Д-ийн нүцгэн зургийг нь интернетээр найзууддаа илгээж дарамтлах болжээ. Гэвч монгол бүсгүй тус улсад хууль бусаар амьдарч байснаас уг хэргийг нууж явсаар саяхан цагдаад хандсан гэнэ. Үүний дагуу Узбекстан улсын иргэнийг Солонгосын цагдаа нар саатуулан шалгаж эхэлжээ.