Өглөө.мн Шинэ өглөө, Шинэ мэдээлэл
Багануур дүүрэгт хот байгуулах асуудлаар иргэдийн санал асуулга 2 өдөр үргэлжилж, өнөөдөр 20:00 цагт дууслаа. Нийт санал өгөх ёстой нэрсийн жагсаалтад орсон иргэдийн 77,85 хувь нь буюу 12659 иргэн дүүрэгтээ хот байгуулах санал асуулгад оролцжээ. Хэсгийн хороодууд саналын дүнг тоолох ажил эхэллээ. Маргааш буюу 01 дүгээр сарын 23-ны өдөр 09 цагаас саналын дүн гарна гэж Нийслэлийн ЗДТГ-ын Хэвлэл мэдээлэл, олон нийттэй харилцах хэлтсээс мэдээллээ.
