Нийслэлд гал түймрийн зургаан дуудлага бүртгэгджээ

Өнгөрөгч өдөр нийслэлд гал түймрийн зургаа, зөрчлийн гурав, орон нутагт гал түймэр, зөрчлийн нэг нэг дуудлага тус тус ирсэн байна.

Тодруулбал, Сонгинохайрхан дүүргийн 22 дугаар хорооны “Тахилт”-ын задгайд иргэн П-ийн 5 ханатай гэр шатаж байна гэсэн дуудлагын дагуу Аврах, гал унтраах 26 дугаар ангийн долоон албан хаагч ажиллаж, галыг бүрэн унтраасан байна.

Мөн Баянзүрх дүүргийн 23 дугаар хорооны “Баатархайрхан”-ы 9 дүгээр гудамжны 920 тоотод иргэн С-ийн шатаж байсан байшинг Аврах, гал унтраах 35, 63 дугаар ангийн 14 албан хаагч унтраажээ.

Түүнчлэн Чингэлтэй, Налайх, Сонгинохайрхан дүүрэгт гал түймэр гарсан гэх дуудлага ирж, Аврах ангийн албан хаагчид шуурхай ажиллаж, унтраасан байна.

Эдгээрээс гадна Сэлэнгэ аймгийн Мандал сумын Ширхэнцэг багийн “Хайлааст”-ын 196 тоотод иргэн Б-н байшин шатаж Аврах, гал унтраах 19 дүгээр ангийн зургаан алба хаагч унтраасан ажээ.