Ноён уулын онгодыг сэрээх Монгол зан үйлийн ёслолыг Чингисийн талбайд зохион байгуулав

Өнөөдөр Чингисийн талбайд эх орон, газар шорооныхоо төлөө тэмцсэн жагсаал цуглаан боллоо. Энэхүү үйл ажиллагааг иргэний хөдөлгөөнүүд болон Монголын бөө мөргөлийн төвөөс хамтран зохион байгууллаа.

Монголын цөөхөн онгон дагшин газар орны нэгэн болох Ноён уулын байгаль экологийг эвдэн сүйтгэж, шүншиг нь болсон алт эрдэнэсийг нь ухаж төнхөх хүртэл бодлогыг хэрэгжүүлэхээр улайран зүтгэж, улс түмний маань буян заяа сүлд хийморийг доройтуулан ариун нандин бүхнийг бузарлан гутаах, ахмадууд, эхчүүд, эмэгтэйчүүдийн тэтгэлгийг танах, боловсрол, эрүүл мэнд, шинжлэх ухаан, газар тариалан, мал аж ахуй, тээврийн салбарыг дампууруулах сэдэл бүхий ард түмнийг илэрхий басан доромжилсон үйл ажиллагаа явуулж байгааг ийнхүү эсэргүүцлээ.

” Хуагчин  удган ” бөө мөргөлийн төвийн тэргүүн, удган Л. Загдаа “УИХ, Засгийн газар нь  Монголын цөөхөн онгон дагшин газар нутгийн нэг болох “Ноён” уулыг эвдэн сүйтгэж ард түмний сүлд хийморийг доройтуулан  бузарлан гутааж, басан доромжилж байна. Тиймээс Мөнх тэнгэрийн зараалаар Ноён уулын онгодыг сэрээх Монгол зан үйлийн ёсоор уг үйл ажиллагааг явуулж байна” гэдгээ хэлсэн юм.

Н.Тилеген