Хөдөлмөрийн яам Барилга, хот байгуулалтын яамтай хамтран ажиллахаар боллоо

Өнөөдөр Хөдөлмөрийн яаманд Барилга, хот байгуулалтын яамтай хамтран ажиллах санамж бичигт гарын үсэг зурах үйл ажиллагаа болж Хөдөлмөрийн сайд С.Чинзориг, Барилга, хот байгуулалтын сайд Д.Цогтбаатар нар гарын үсэг үзэглэлээ.

Энэхүү санамж бичигтээ гурван гол асуудлыг тусгасан байна.

1.Барилгын салбарт ажиллагсдын амь нас, хөдөлмөрийн аюулгүй байдлыг хангах, даатгалд хамруулдаг болох, ажилчдын бэртэл гэмтэл, амь насыг тухайн ажил олгогч хариуцах тухай.

2.Шинэ мэргэжлийн ажилчид бэлдэх, Монголд ажиллаж байгаа гадаадын мэргэжилтний тоог 30%-аар багасгах, үйлдвэрлэлийн осол гэмтэлд холбогдох дүрэм зааварт хуулийн нэмэлт өөрчлөлтийг оруулах.

3.Томоохон аж ахуйн нэгжүүдийг байгуулахыг дэмжиж, монгол ажилчдаа ажлын байраар хангах, барилгын салбарын мэргэжилтэй ажилтан бэлтгэж буй мэргэжлийн сургалт үйлдвэрлэлийн төв, Политехник коллежуудыг төрөлжүүлэх, төр хувийн хэвшлийн түншлэлийг дэмжих асуудлыг тусгасан байна.

Д.Тэргэл