Өглөө.мн Шинэ өглөө, Шинэ мэдээлэл
Сонгинохайрхан автовокзал буюу та бидний нэрлэж заншсанаар Драгон автовокзал нь “Dragon bus terminal”-ийг шинээр ашиглалтанд оруулж 2015 оны 04 дүгээр сарын 01-ний өдөр албан есоор нээлтээ хийлээ.
Нээлтийн үйл ажиллагаанд Зам, тээврийн сайд Н.Төмөрхүү, Хөдөлмөрийн сайд С.Чинзориг, Эрүүл мэндийн дэд сайд Т.Болдбаатар, Автотээврийн үндэсний төвийн захирал Н.Пунцаг, Сонгинохайрхан дүүргийн Засаг даргын тамгын газар, Иргэдийн төлөөлөгчдмйн хурлын холбогдох хүмүүс оролцов.
Уг зорчигч тээврийн терминалыг ашиглалтанд оруулснаараа орон нутагт зорчих иргэдийн автовокзалаар үйлчлүүлэх тав тухыг бүрэн хангаж, бүх үйлчилгээг нэг дор цогцлоож чадсанаас гадна олон ажлын байрыг нэмэгдүүлсэн том бүтээн байгуулалт болж чадлаа.
Монгол улсад Автотээврийн салбар үүсч хөгжсөний 90 жилийн ойн босгон дээр ийнхүү олон улсын жишигт нийцэхүйц автовокзалтай болж чадсан нь тээврийн салбарын хөгжил алхам алхамаар урагшилж байгаагийн илрэл юм.
