Өглөө.мн Шинэ өглөө, Шинэ мэдээлэл
Орон сууцны хороолол, хотхон олноор баригдах болсон энэ үед Хан-уул дүүрэг руу чиглэсэн замын хөдөлгөөн ачаалал ихтэй ялангуяа төмөр замын гарман дээр түгжрэл ихээр үүсдэг. Үүнийг зохицуулахаар Баянзүрх дүүргийн 26-р хорооны нутаг дэвсгэрт Баянмонгол хорооллыг Нарны замтай холбох 200 метр автозам болон төмөр зам доогуур автомашины нүхэн гарцыг “Туулын гүүр далай” ХХК нийслэлийн төсвийн хөрөнгөөр гүйцэтгэхээр гэрээ байгуулсан бөгөөд нүхэн гарцны угсралтыг хийхээр хийц бүтээцүүдээ талбайд татаж бэлэн болгоод байна. Цаг агаарын нөхцөл байдлаас шалтгаалан хойшилсон угсралтын ажил өнөө оройноос эхэлнэ. Автомашины нүхэн гарцыг угсарсны дараа 200 метр автозам тавих бөгөөд гэрээний дагуу 8 сарын 15-нд хүлээлгэн өгөх юм.
Яармагийн гүүрийг засварлаж байна
Яармагийн гүүрний дам нуруу хоорондын бетон хийц эвдэрчээ. Эвдрэлийг засахаар мэргэжлийн байгууллагынхан газар дээр нь ажиллаж байна. Гүүрийн доод суурийг явуулын өргөгчөөр тулж бэхэлсний дараа цутгалтын ажил хийх бөгөөд одоогийн байдлаар бэлтгэл ажлыг хангаж байна. Гүүрийн засварыг”Хайвэй интернэшнл” ХХК хийж байгаа бөгөөд 7 сарын 8-нд дуусна гэж Нийслэлийн Автозамын газраас мэдээллээ.
