Хойд Солонгос улс гадаадад ажиллах хүч гарган ихээхэн хэмжээний мөнгө хуримтлуулах зорилгоор сүүлийн 10 жилийн туршид ОХУ, Хятад, Монгол , Чех , АНЭУ зэрэг орнуудад багагүй тооны ажилчид илгээгээд байгаа билээ.
Хятад улс гэхэд 5 мянгаар тоологдож байсан Хойд Солонгосын гэрээт ажилчдын тоог 2 Солонгосын харьцаа муудаж эхэлсэн өнгөрсөн 3 сараас эхлэн огцом багасгаж цаашид дахин нэмэхгүй хэмээн мэдэгдэж байгаа бол энэ хугацаанд Монгол улсад ажиллах Хойд Солонгосын гэрээт ажилчдын тоо ихээхэн нэмэгдэж , өнгөрсөн 4 сарын сүүлийн байдлаар 1750 боллоо гэж өнөөдөр АНУ-ын Чөлөөт Ази мэдээллийн радио суваг мэдээллээ.
Одоогийн байдлаар Монгол улсад барилга , зам тээвэр , уул уурхайн салбарт дийлэнх нь ажилладаг гадаадын 12 мянга 064 ажилчид тоологдсон ба тэдний дийлэнх нь буюу 5,976 Хятад улсын иргэд бол ОХУ-ын 528 , АНУ-ын 428 , Вьетнамийн 414 иргэд гэх мэт байгаа ажээ.
Монгол улсад барилгын салбар дээр ажиллаж буй Хойд Солонгосын иргэдээс авсан ярилцлагад тэд сар бүр 600∼700 орчим долларын цалинтай хэмээн хариулсан байна. Өнгөрсөн 2007 онд Монгол улсад албан ёсны айлчлал хийсэн Хойд Солонгосын төлөөлөгчид Ерөнхийлөгч Ц.Элбэгдоржид хандан , өөрийн орны иргэдээ Монгол улсын барилгын салбарт ажиллуулах хүсэлт тавьж байсан удаатай юм байна.
эх сурвалж: mglradio.com