Тарваганы түүхий тулам худалдан борлуулах гэж байсныг илрүүллээ

Нийслэлийн Засаг даргын 2015 оны А/645 тоот “Хүн, малын гоц халдварт өвчин, тарваган тахал өвчнөөс урьдчилан сэргийлэх ажлыг эрчимжүүлэх тухай” захирамжийн дагуу 2015 оны 08 дугаар сарын 27-ны өдөр Баянгол дүүрэгт байршилтай “ Тоса” худалдааны төвд гэнэтийн шалгалт хийлээ. НМХГ-ын Хүнс, хөдөө аж ахуй, үйлдвэр, үйлчилгээний хяналтын хэлтсийн дарга Д.Энхбат, Мал эмнэлгийн хяналтын улсын ахлах байцаагч Х.Мэндсүрэн, хүнсний чанар, стандартын хяналтын улсын байцаагч С.Оюунбат, Баянгол дүүрэг дэх Мэргэжлийн хяналтын хэлтсийн дарга В.Алтансүх, байгаль орчны хяналтын улсын байцаагч н.Батаа, Зооноз өвчин судлалын үндэсний төвийн шинжлэгч эмч нарын хамтарсан шалгалтын үеэр тарваганы 2 тулам худалдан борлуулахыг завдсан тул хурааж, Зоонозын өвчин судлалын үндэсний төвд тарваган тахлын үүсгэгч илрүүлэх шинжилгээнд хамрууллаа