Өглөө.мн Шинэ өглөө, Шинэ мэдээлэл
Оюутан, сурагчдын хичээлийн шинэ жилийн баяр буюу 9 дүгээр сарын 01-ний өдөр Чингисийн талбайд оюутнуудын тангараг өргөх ёслолын ажиллагаа боллоо. Мөн “Найрсаг Улаанбаатар” хөтөлбөрийн хүрээнд иргэд, жуулчдыг гэмт хэрэг, зөрчлөөс урьдчилан сэргийлэх, хууль тогтоомжийг сурталчлан, таниулах зорилгоор ажилласан, “Оюутан цагдаа” үйл ажиллагааны хаалтын ажиллагааг зохион байгуулсан юм.
Улаанбаатар хотын цагдаагийн газраас хамтран ажилласан байгууллагын ажил үйлчилгээг өндрөөр үнэлж, “Монголын оюутны холбоо”-нд “Талархал”-ыг гардуулж, идэвх зүтгэлтэй ажилласан их, дээд сургуулийн оюутан, залуусыг Нийслэлийн Иргэдийн Төлөөлөгчдийн Хурлын “Хүндэт үнэмлэх”, Улаанбаатар хотын цагдаагийн газрын “Талархал”, Нийслэлийн Аялал Жуулчлалын газраас “Баярын бичиг”, бэлэг, дурсгалын зүйлээр шагнаж урамшууллаа.
