“Гал үндэстэн”-ий Ц.Мөнхбаярыг Өршөөлийн хуулиар суллахыг шаардав

 “Гал үндэстэн” холбооныхон одоогоос хоёр жилийн өмнө есдүгээр сарын 16-нд урт нэртэй хууль Монголын байгаль, орчныг сүйтгэж, мөхөхөд хүргэсээр байгааг эсэргүүцэж байсан билээ. Үүний улмаас төрийн ордны хашаанд буу агсаж халдсан гэх хэргээр “Гал үндэстэн” холбооны тэргүүн Ц.Мөнхбаяр, Д.Төмөрбаатар нар одоог хүртэл хоригдсоор байгаа билээ. Тэд Өршөөлийн хуулиар суллагдах эсэх нь тодорхойгүй байгаа. Иймээс иргэний нийгмийн байгууллагууд тэднийг суллахыг шаардаж байгаагаа өчигдөр мэдээллээ. Мөн хоригдож байсан хүмүүсээс эрүүл мэндээрээ хохирч хоёр нь хорвоог орхисон бөгөөд одоогоор хоёр хүний биеийн байдал хүндхэн байгаа аж.