НҮБ-ын Суурин зохицуулагч хатагтай Биата Транкманыг хүлээн авч уулзлаа

Хүн амын  хөгжил, нийгмийн хамгааллын сайд С.Эрдэнэ өнөөдөр Монгол Улс дахь НҮБ-ын Суурин зохицуулагч хатагтай Биата Транкманыг  хүлээн авч уулзлаа. Уулзалтын эхэнд НҮБ-ын Суурин зохицуулагч хатагтай Биата Транкман “Монгол улсад ажиллахаар хүрэлцэн ирсэндээ баяртай байна. Цаашид ХАХНХЯ-тай олон үйл ажиллагаанд хамтран ажиллана гэдэгт итгэлтэй байна” гэдгээ илэрхийлсэн.

Харин ХАХНХ-ын сайд С.Эрдэнэ  “ХАХНХЯ байгуулагдсан цагаас эхлэн НҮБ-ын төрөлжсөн байгууллагуудтай нарийн нягт хамтын ажиллагаатай байж ирсэн. Үүний илэрхийлэл нь  таны өмнө манай улсад ажилласан суурин зохицуулагч хатагтай Сезин Синаноглутай хамтарч олон төсөл, хөтөлбөрийг амжилттай хэрэгжүүлсэн.

Энэ уламжлал цаашид үргэлжилж хүн амын хөгжил, нийгмийн хамгааллын салбарт дэмжлэг, туслалцаа үзүүлэх олон үйл ажиллагааг санаачлан, хамтран ажил хэрэг болгоно гэдэгт эргэлзэхгүй байна” гэлээ.