Ах, дүү тавын ганц эхнэр

Энэтхэгийн хойд зүгийн Дехрадун хотын нэгэн уулын тосгонд амьдардаг Ражо Верма хэмээх 21 настай эмэгтэй таван нөхөртэй ажээ.

Түүний нөхрүүд болох 32 настай Бажжу Верма, 28 настай Санд Рам Верма, 26 настай Гопал Верма, 21 настай  Гудду Верма болон 19 настай Динеш Верма нар нь бүгд төрсөн ах дүүс бөгөөд тэрээр анх 2009 онд ах дүүсийн доороосоо хоёр дахь нь болох Гуддутай уламжлалт ёсоор гэрлэжээ. Гэсэн ч бүсгүй удалгүй түүний ах болон дүү нартай амрагийн харилцаа тогтоож гэр бүл болсон байна.

Хамгийн хачирхалтай нь ах дүүс дундаа нэг эхнэртэй байгаадаа огтхон ч санаа зовж, бие биенээсээ харамладаггүй бөгөөд энэ байдалдаа сэтгэл хангалуун байдаг аж. Энэ тухайгаа Ражо бүсгүй “Миний энэ шийдвэр хүмүүст хачирхалтай санагдаж байгаа байх. Гэхдээ би ах дүүсд бүгдэд нь адилхан хайртай” гэжээ. Харин түүний анхны нөхөр Гудду “Тэр бүгдтэй нь бэлгийн харьцаанд ордог. Гэвч би харддаггүй. Бид нэгэн том гэр бүл” хэмээн ярьжээ.

Сонирхуулахад, Ражо бүсгүй Жей Верма хэмээх 18 сартай хүүтэй юм байна.

Т.Анир.ugluu.mn