5000-н эх Зика вирусаар өвчлөөд байна

ДЭМБ-ын хамгийн сүүлийн мэдээгээр шумуулаар болон бэлгийн замаар дамжин тархах зика вирусын халдвар 34 оронд тархсан талаар мэдээлж буй.

Тус байгууллагаас уг вирус нь дэлхийн хэмжээнд тахалд хүргээд буйг анхааруулсаар байгаа.

Тэгвэл Колумбид 5000 жирэмсэн эмэгтэй зика вирусын халдвар авсан талаар Ройтерс агентлаг мэдээлжээ.

Тус улсад одоогийн байдлаар 31.5 мянган тохиолдол бүтгэгдээд байна. Нийт халдварласан жирэмсэн эмэгтэйн 29.4 хувь нь Венесуэл улстай хил залгаа орших Норте-де-Сантадер мужид амьдарч буй аж.

Уг өвчин газар авах болсонтой холбогдуулан тус улсад үр хөндөлтийг хязгаарлаад байсан ч цуцалсан байна. Мөн үүний зэрэгцээ Венесуэлийн Ерөнхийлөгч Н.Мадуро зика вирусын халдвар авсан гурван хүн амиа алдсан талаар мэдээлжээ. Тус улсад одоогийн байдлаар уг өвчний 319 тохиолдол бүтгэгдээд байна.

Дашрамд дурдахад, уг өвчний эсрэг эм бэлдмэл урьдчилан сэргийлэх тарилга өнөөг хүртэл байхгүй хэвээр байна.