Өглөө.мн Шинэ өглөө, Шинэ мэдээлэл
Монгол улсын Ерөнхий сайдын санаачлагаар “Олимп хөгжил сангийн цом”-ыг нэр бүхий томоохон байгууллагууд, 9 дүүрэг, 21 аймагт аялуулж байгаа.
Архангай аймагт нэг сарын турш аялахаар уг цом өнөөдөр аймгийн ЗДТГ-т шилжин ирлээ. Тус цомыг аймгийн Засаг даргын орлогч М.Батжаргал, Тамгын газрын дарга Б.Лхагвасүрэн тэргүүтэй ЗДТГ-ын хэлтсийн дарга нар хүлээн авлаа.
“РИО-2016” зуны XXXI олимпийн тоглолтонд Архангайгаас МУГТ, Хөдөлмөрийн баатар Отръядын Гүндэгмаа, Бөхийн чөлөөт барилдааны дэлхийн хошой аварга, МУГТ Соронзонболдын Батцэцэг, ОУХМ Э.Сумъяа, Жүдо бөхийн ОУХМ Лхагвасүрэнгийн Отгонбаатар нар эх орноо төлөөлөн оролцохоор болжээ.
Хүн төрөлхтөний эв нэгдлийн их наадам олимпийн тэнгэрт эх орныхоо алтан соёмбот далбааг мандуулж, төрийн дууллаа эгшиглүүлэхийг нийт Архангайчуудынхаа өмнөөс хүсэн ерөөе.
