Өглөө.мн Шинэ өглөө, Шинэ мэдээлэл
Өрхийн хөгжлийг дэмжих Үндэсний хөтөлбөр хэрэгжиж дүнгээ гаргажээ. 55 мянган өрхөд хүрч ажилласаны 17 мянган өрхийн амьжиргаанд эерэг нөлөө гарсан байна. Цаашид энэ хөтөлбөрийг үргэлжүүлэх зорилгоор дараагийн шатыг эхлүүлж илүү олон айл өрхийн амьжиргаа, амьдралыг дээшлүүлэх төлөвлөгөөтэй байна.
Засгийн Газраас хөтөлбөрийг баталж 2012-2015 он хүртэл хэрэгжүүлсэн. Ингэхдээ нийгмийн дэмжлэг, туслалцаа шаардлагатай өрх, иргэдэд хүрч ажиллах зорилт тавьжээ. Жил бүр 15 мянган өрхөд хүрч ажиллахад нийт 55 мянган өрхийг хөтөлбөрт хамруулж чадсан байна. Ингэж ажиллахад эхний 2.3 жилд нь иргэд төдийлөн ойлголт муу байсан ч сүүлийн жилд хандах хандлага нь өөрчлөгджээ.
НҮБ-ын 2030 он гэхэд дэлхий нийтээрээ ядуурлаас гарах зорилтыг дэвшүүлэн ажиллаж байна. Үүнтэй ижил хөтөлбөр эхний үе шат хэрэгжиж дууслаа. Дараагийн үе шат болгож “Зорилтот өрхийн хөгжил, хамгааллыг сайжруулах Үндэсний хөтөлбөр” боловсруулсан. Хэрэгжүүлэх арга ажиллагаа хэвийн явагдаж 1500 орчим нийгмийн ажилтан оролцож ажиллах юм байна.
Иргэн, өрхөд хүрч ажиллахад хөрөнгө санхүү шаардлагатай. Үүнд шийдэл болгож хөтөлбөр батлах тухай Засгийн Газрын тогтоолд Улсын болонорон нутгийн төсөвт хөрөнгийг тусгахыг заажээ. Мөн гадаадын зээл тусламжид хамруулан санхүүжүүлэхийг тусгасан байна.
Эх сурвалж:mnb.mn
