Өглөө.мн Шинэ өглөө, Шинэ мэдээлэл
Бүгд Найрамдах Солонгос Улсын аялал жуулчлалын онцгой бүс Чэжү хотод гадаадын иргэд 30 хүртэлх хоногийн хугацаанд визгүй зорчдог.
Тэгвэл сүүлийн үед манай улсын иргэд тус хотын хилийн шалган нэвтрүүлэх, цагаачлалын албанд саатуулагдаж, хил нэвтэрч чадахгүй нутаг буцах тохиолдол цөөнгүй гарч байгааг Гадаад хэргийн яамнаас анхаарууллаа.
Тодруулбал, манай улсын иргэд аялалын зорилгоо нотлох баримт бичгийг сайтар бүрдүүлээгүйгээс ийм асуудал их гарч байгаа аж.
Мөн тухайн иргэн өмнө нь БНСУ-д зорчихдоо визний хугацаа хэтрүүлсэн, хууль бусаар оршин сууж байсан, эрүүгийн болон захиргааны гэмт хэрэг зөрчилд холбогдож байсан зэрэгтэй холбоотой аж
Буцах онгоцны тасалбар, зочид буудлын захиалгын баталгаа, биедээ авч яваа бэлэн мөнгөтэй эсэх зэргийг харгалзан тус улсын цагаачлалын албанаас ярилцлага хийсний үндсэн дээр хил нэвтрүүлэх эсэх шийдвэрийг гаргадаг байна.
Иймд БНСУ-ын Чэжү хот руу аялахаар төлөвлөж буй иргэд аялалын зорилгоо нотлох баримт бичгийн бүрдлийг сайтар хангаж зорчих хэрэгтэй юм.
эх сурвалж: eagle.mn
