Өглөө.мн Шинэ өглөө, Шинэ мэдээлэл
Сонгинохайрхан дүүргийн 21 р хороонд амьдарч байгаа иргэдийн амьжиргааны гол эх үүсвэр нь мал аж ахуй тэр дундаа эрчимжсэн мал аж ахуй гэж хороо дүүргийн удирдлагууд харж байна. Тиймээс мал бүхий иргэд фермер эрхлэгчдийн анхны зөвлөгөөнийг зохион байгуулж, фермер эрхлэгчдийн холбоог байгууллаа. Ингэснээр мал бүхий иргэд эрх ашгаа нэгтгэж, хамтран ажиллах боломж бүрдэж байна гэж тэд үзэж байна.
Сонгинохайрхан дүүргийн 21 р хороо та бүхний хэлж заншиснаар партизаны сангийн аж ахуй юм. Энэ хороололд 2000 гаруй өрхийн 6500 орчим хүн амьдарч байна. Нийт иргэдийн 95 хувь мал аж ахуйн салбарт ажиллаж хөдөлмөрлөн амьдралаа авч явдаг бөгөөд малын гаралтай түүхий эд , ашиг шимийг нь хүртэх боломж нөхцөл тааруу байдаг талаараа малчин иргэд ярьж байна.
Тэдэнд тулгамдаж байгаа гол асуудлууд нь бэлчээрийн газар, гол түүхий эд сүүгээ борлуулах мөн үнэлүүлэх, хадлан авах газар зэргүүдийг дурдаж байлаа. Жишээ нь фермергүй 4-5 үхэртэй айл сүүгээ борлуулахад хэцүү байдаг гэдгийг энд хэлж байсан энэ мэт асуудлууд их байдаг учраас малчин өрхүүд, фермер эрхлэгчид холбоо байгуулснаар өөрсдийнхөө эрх ашгийн төлөө дуугарах боломжтой болсон талаар хороон дарга хэлж байна.
Харин цаашид фермер эрхлэгчдийн холбооны тавьж байгаа асуудлуудыг дүүргийн хэмжээнд хэрхэн шийдвэрлэх боломж байгаа талаар дүүргийн дарга ийнхүү хэлж байна.
Дээр дурдсанчлан малчид, фермер эрхлэгчдэд тулгамдаж байгаа асуудлуудыг шат шатанд нь шийдвэрлэх боломж байгаа гэдгийг хэлж байна. Малчид ч холбоо байгуулж эвлэлдэн нэгдэж байгаа нь бидэнд ашигтай гэдгийг хэлж байлаа.
