Өглөө.мн Шинэ өглөө, Шинэ мэдээлэл
Эрдэнэт хот байгуулагдсаны 40 жилийн ойн хүрээнд бүтээн байгуулсан Хөх Монгол цогцолбор нь 21 аймгийн бүтэц онцлог, газар зүйн байршил, Монгол түмний аж амьдрал, ёс заншлыг харуулсан, өнгөрсөн болон өнөө цагийн түүхийг багтаасан танилцуулгууд, тухайн аймгийн байгалийн гайхамшгийг төлөөлүүлэн нэг тогтцыг уран баримлын хэлбэрээр бүтээсэн үзмэрээс бүрдсэн үндэсний томоохон цэцэрлэгт хүрээлэн юм.
Тус Цэцэрлэгт хүрээлэн нь үндэсний хэмжээний бүтээн байгуулалт учраас Монгол гэсэн нэрийг оруулах нь зүйтээ хэмээн үзэж Хөх монгол цогцолбор гэсэн нэртэйгээр Улсын төсөвт үйлдвэрийн газар болж цаашдын үйл ажиллагаа явагдах юм байна.
Жилд 60 мянга орчим дотоодын жуулчин, гадаадын 5 мянга орчим жуулчин Хөвсгөл аймгийг зорьдог гэсэн судалгаа байна. Иймээс Хөх Монгол цэцэрлэгт хүрээлэн дотоодын болон гадаадын аялал жуулчлалын томоохон төв болох учраас аялал жуулчлалд оруулж байгаа хөрөнгө оруулалт болж байгаа гэдгийг албаны хүмүүс онцолж байлаа.
