НИТХ-ын анхдугаар чуулган эхэллээ

НИТХ-ын сонгуульд үнэмлэхүй ялалт байгуулж нийт 45 суудлаас 34-ийг нь авсан Монгол Ардын нам дотроосоо Нийслэлийн засаг дарга болон НИТХ-ын даргыг сонгохоор болсон. Эдгээр асуудлыг хэлэлцэх НИТХ-ын анхдугаар чуулган багагүй хугацаанд хойшилсны эцэст өнөөдөр эхэлж, үндсэн дөрвөн асуудал хэлэлцэхээр болов.

1.НИТХ-ын Сонгуулийн дүн сонсох, сонгогдсон төлөөлөгдийн бүрэн эрхийг хүлээн зөвшөөрөх

2. НИТХ-ын ын даргыг сонгох

3. НИТХ-ын тэргүүлэгчдийн тоог тогтоох, тэргүүлэгчдийг сонгох

4. Нийслэлийн Засаг дарга бөгөөд Улаанбаатар хотын захирагчид нэр дэвшүүлэх тухай

МАН-аас Нийслэлийн засаг дарга бөгөөд Улаанбаатар хотын захирагчийн албан тушаалд УИХ-ын гишүүн асан Су.Батболдыг, НИТХ-ын даргад Нийслэлийн МАН-ын дарга Ц.Сандуйг нэр дэвшүүлсэн бөгөөд НИТХ-ын анхдугаар чуулган дээр АН-аас НИТХ-ын даргад нэр дэвшигч Ц.Сандуйгаас “60 тэрбум”-ын гэх хэргийн талаар асуусан юм. Тэгвэл Ц.Сандуй “60 тэрбум”-ын асуудал бол цэвэр гүтгэлэг, эвлүүлэг гээд үүнийг хийсэн эзэд нь удахгүй тодорхой болно биз, тэр үед энэ асуудалд харилья гэсэн юм.

Undesten.mn