Микронуудыг үйлчилгээнээс хасна

Микро автобусыг 8 дугаар сарын 1-нээс үйлчилгээнээс халахаар болсон. Тодруулбал, 12-оос дээш жил ашиглаж, насжилт нь дууссан 171 микро автобусыг үйлчилгээнээс хасахаар болоод байгаа юм.  Харин том оврын автобустай чиглэл давхцаагүй, зорчих тээврийн стандартад нийцсэн 45 микро автобусыг нийтийн тээвэрт үйлчилгээ үзүүлэх эрхийг нь хязгаарлахгүй. Эдгээр 45 микро автобус нь зайлшгүй нийтийн тээвэрт хэрэгтэй, том оврын автобус явах боломжгүй Сонгинохайрхан дүүргийн 23 дугаар хороо, Баянгол дүүргийн 22 дугаар хороо, Баруун туруун, Партизан зэрэг чиглэлүүдэд явуулах аж.