Монгол банкны дэд ерөнхийлөгч Э.Батшугарыг ажлаас нь чөлөөлнө

Монгол банкны дэд ерөнхийлөгчөөр одоогийн МАХН-ын дарга Н.Энхбаярын хүү Э.Батшугар ажиллаж байгаа. Тус банкны Тэргүүн дэд ерөнхийлөгчөөр ажиллаж байсан Б.Жавхлан УИХ-д нэр дэвшиж парламентын гишүүн болсон. Мөн Санхүүгийн зохицуулах хорооны даргаар ажиллаж байсан З.Нарантуяа хууль тогтоох дээд байгууллагын сонгуульд өрсөлдөж УИХ-ын гишүүн болсон билээ.

Тэгвэл өнөөдөр УИХ-ын Эдийн засгийн байнгын хороо хуралдаж дараах асуудлыг хэлэлцэхээр болжээ.

Үүнд:

• Эрчим хүчний сайдыг томилох тухай
• Барилга хот байгуулалтын сайдыг томилох тухай
• Монголбанкны дэд ерөнхийлөгчийг үүрэгт ажлаас нь чөлөөлөх тухай
• Монголбанкны тэргүүн дэд ерөнхийлөгчийг томилох тухай
• Санхүүгийн зохицуулах хорооны даргыг томилох тухай зэрэг асуудал багтсан байна.