Нийслэлийн иргэдийн төлөөлөгчдийн хурлын дэргэд эрдэмтэн, судлаачдын зөвлөл байгуулагдана

Нийслэлийн Иргэдийн Төлөөлөгчдийн Тэргүүлэгчдийн өнөөдрийн хуралдаанаар  орон тооны бус  3 зөвлөл байгуулах тухай асуудлыг хэлэлцлээ.  Хурлын үйл ажиллагаанд дэмжлэг үзүүлэх  үүрэг бүхий  Зөвлөх зөвлөл,  Эрдэмтэдийн зөвлөл, Экспертийн зөвлөл байгуулах   тогтоолын төслийг тэргүүлэгчид  100 хувийн саналаар дэмжлээ.

Дээрх зөвлөлүүдийг байгуулсанаар Улаанбаатар хотын хөгжлийн бодлогыг  тодорхойлохдоо шинжлэх ухаан, судалгаанд тулгуурлан, салбартаа тэргүүлэгч эрдэмтдийн санал санаачлагыг  сонсож, төрийн ажлын дадлага туршлагатай  эрхэмүүдийн зөвлөгөөнд  суурилан боловсруулах шийдвэр гаргаж байгаагаа  НИТХ-ын  дарга  Ц. Сандуй онцолсон юм.

НИТХ-ын  2012 оны  сонгуульд МАН аливаа төрийн ажлыг явуулахдаа судалгаа  шинжилгээнд тулгуурлан, алсын хараа, бодлогын зарчмыг баримтлахаа ”Аз жаргалтай хот” мөрийн хөтөлбөртөө тусгасан. Энэ дагуу  НИТХ-ын  дэргэд орон тооны бус  3 зөвлөлийг байгуулж байна. Нийслэлийн Иргэдийн Төлөөлөгчдийн Хурлын даргаар ажиллаж байсан  ажлын дадлага туршлагатай  хүмүүсээр Зөвлөх зөвлөлийг байгуулна. Энэ зөвлөл нь  6 хүний бүрэлдэхүүнтэй ажиллах юм.
Зөвлөх зөвлөлийг дараах гишүүдтэйгээр байгууллаа.

багтаж байна. Харин  Зөвлөх зөвлөлийн   Тэргүүлэгчдийн нарийн бичгийн даргаар  12 жил  НИТХ -ын   нарийн бичгийн даргаар ажилласан  Г. Маналжавыг   сонголоо.

Эрдэмтэдийн зөвлөл, экспертийн зөвлөлийн тухайд  мэргэжлээрээ  10-аас доошгүй жил ажилласан, доктор цолтой, стратегийн тэргүүлэх  чиглэлээр дагнан судалгаа шинжилгээ хийсэн  эрдэмтэн, зөвлөхүүдээс нээлттэй сонгон шалгаруулалтаар  сонгож ажилууллах юм байна.  Орон тооны хувьд  5 – 9 хүртэл байхаар Нийслэлийн Иргэдийн Төлөөлөгчдийн Хурлын  Тэргүүлэгчид өнөөдрийн хуралдаанаараа шийдвэрлэлээ гэж Нийслэлийн ЗДТГ-ын Хэвлэл мэдээлэл, олон нийттэй харилцах хэлтсээс мэдээллээ.