Өглөө.мн Шинэ өглөө, Шинэ мэдээлэл
Дэлхийн банк болон Швейцарийн хөгжлийн агентлагийн санхүүжилтээр Сангийн яамнаас хэрэгжүүлж буй “Тогтвортой амьжиргаа-3” төслийн 21 аймаг дахь Сум дэмжих багуудын 105 ажилтныг нэг зэрэг ажлаас халжээ. Энэ талаар өнөөдөр халагдсан хүмүүсийн төлөөлөл мэдээлэл хийсэн юм.
Тэд өөрсдийгөө ямар нэгэн үндэслэгүйгээр халагдсан хэмээн үзэж байгаа учраас эрх ашгаа хамгаалах зорилгоор түр хороо байгуулаад байгаа аж. Түүнчлэн тэд хурлын үеэр “Дэлхийн банк болон Швейцарийн хөгжлийн агентлагийн чиглэлийн дагуу Сангийн яам болон Төсөл хэрэгжүүлэх нэгжийн зүгээс тодорхой үндэслэлгүйгээр хоморголон ажлаас халсан” гэдгийг онцолж байсан юм.
Сум дэмжих багийг найман cap ажиллуулсан бөгөөд тэднийг ажлаас халах тушаал есдүгээр сарын 28-нд гарч, есдүгээр сарын 30-наас халж байгаагаа мэдэгдсэн байна.
