Өнөөдрийн тухай таны мэдэх ёстой 15 зүйл: Нислэгийн тийзийг 20.000 төгрөгөөр хэрхэн борлуулах талаараа мэдээлэл хийнэ

11 дүгаар сарын 28-ны өдөр

Өглөөд заавал мэдэж байх ёстой зүйлүүд:

1. Өнөөдөр бол жилийн 333 дахь өдөр бөгөөд он дуусахад 33 хоног үлдлээ.
2. Цаг агаар өдөртөө -10 хэмийн хүйтэн бол шөнөдөө -19 градус хүйтэн байх нь ээ.
3. Билгийн тооллын 29, найман цагаан мэнгэтэй хөх бар өдөр. Өнөөдөр үсээ авахуулах буюу засуулбал сүлд тэнэж одох гэнэ. Энэ өдөр морь, нохой жилтнээ аливаа үйлийг хийхэд эерэг сайн, бар, туулай жилтнээ сөрөг муу нөлөөтэй тул аливаа үйлийг хийхдээ анхаарал болгоомжтой байхыг од эрхэс сануулж байна.
4. Манай улсын голлох валют болох ам.долларын ханш 2475.00 төгрөгтэй тэнцэж байгаа бол бусад валют болох рубль 39.00, юань 359.00, вон 2.10 төгрөг байна.

Өнөөдөр болох онцлох үйл явдлууд: 

1. 09.00 цагаас “Ерөнхий боловсролын сургууль, цэцэрлэгийн цогц аюулгүй байдал” Үндэсний бодлогын чуулган Чингис зочид буудлын хурлын танхимд болно.
2. 11.00 цагт Шүүхийн ерөнхий зөвлөлийн дарга Н.Лүндэндорж Шүүхийн шинэтгэлийн цаг үеийн асуудал, цаашид анхаарах асуудлын талаар хэвлэлийн бага хурал хийнэ.
3. 11.00 цагт Монгол Нъюс мэдээллийн төвд Брэндийн хувцас, үнэтэй машинаас татгалзаж хөгшин залуу үл хамааран үүргэвчтэй аялал хийхийг илүүд үзэх болсон ч эдийн засаг хямарсан энэ үед бусад улсуудаар хамгийн хямдаар буюу 20.000 төгрөгөөс эхэлж аялах нислэгийн тийзийг Айрбүүк Z24 компани Монголд анх удаа хэрхэн борлуулах талаарх хэвлэлийн бага хурал болно.
4. Зайсан дахь Цэнгэг усны нөөц, байгаль хамгаалах төв дээр “Хөрсний бохирдол ба өнөөгийн төлөв байдал, тулгамдаж буй асуудлууд, шийдвэрлэх арга зам” сэдэвт илтгэлийн тэмцээн 10.00 цагт болно.
5. Туушин Пермерт зочид буудалд 09.00 цагаас МБОИЗ-ын 5-р чуулган эхлэх гэж байна.

Энэ өдөр дэлхийн түүхэнд: 

1. Өнөөдөр Иранд Усан цэргийн баярын өдөр тохиож байна.
2. Мөн Чад улсад Тусгаар тогтнолын баярын өдөр тохиож байгаа юм байна.
3. 1960 оны энэ өдөр сүмогийн 31 дэх ёкозүна Цүнэнохана Кан-Ичи мэндэлжээ.
4. 1987 онд Өмнөд Африкийн “Airways Flight 295” нислэг Энэтхэгийн далайд осолдож, онгоцонд сууж явсан 159 хүн бүгдээрээ амь насаа алджээ.
5. 1972 онд Парист хамгийн сүүлийн удаа олон нийтийн өмнө хоёр гэмт хэрэгтнийг цаазалсан бөгөөд үүнээс хойш ямар ч хүнийг цаазын ялаар шийтгээгүй байна.
6. 1991 онд Өмнөд Осети Гүрж улсаас салан тусгаарлаж, тусгаар тогтнолоо зарлажээ.

Unuudur.mn