“Төрийн албаны Мерит тогтолцоо”-ны талаархи олон улсын чуулга уулзалт болж байна

 Төрийн албаны зөвлөлөөс  9 дүгээр сарын 4-5-ны өд­рүү­дэд “Төрийн албаны Мерит тогтолцоо-Туршлага, сорилт боломж” сэдэвт олон улсын чуулга уулзалт зохион байгуулах болсон талаар мэдээлэв.

Чуулга уулзалтад орол­цогчид өөрсдийн орны тө­рийн албаны туршлага, сур­гам­жаасаа хуваалцан, ши­нэлэг арга, оролцоог цаа­шид хөгжүүлэх талаар санал бодлоо солилцон, төрийн албаны төв байгууллагуудын хоорондын хамтын ажил­лагааг хөгжүүлэх арга замын талаар хэлэлцэнэ. Анхны хурал Голланд улсад 2005 онд зохион байгуулагдаж байж.

Түүнээс хойш энэ уул­залт уламжлал болон тогтож, түүнд дэлхийн улс орнуудын Төрийн албаны төв байгууллагуудын удир­дах албан тушаалтнууд орол­цож, харилцан турш­лага солилцсоор  иржээ. Зургаан удаа­гийн уламжлалт уул­залтад манай улс тогтмол идэвхтэй оролцсон бөгөөд 2011 оны чуул­ганаас  2013 оны арга хэм­­жээг Мон­голд зохион бай­гуу­лах хүсэлт гаргасныг манай тал нааштайгаар хүлээн ав­сан байна.

Ингэхдээ Азийн бүс  нутагт анх удаа зохион байгуулах, мөн Ази тивд ардчилал, нийг­мийн шинэчлэлийн үйл явцыг амжилттай  хэрэгжүүлж  бай­гааг онцолж манай орныг сонгосон гэнэ.

УИХ-ын дарга З.Энхболд уг арга хэмжээг нээж үг хэлэх бөгөөд Канад, БНХАУ, БНСУ, Франц, Кувейт, Армен, Вьетнам, Энэтхэг зэрэг 14 орны Төрийн алба­ны төв бай­гуул­лагын төлөөлөгчид орол­цож, “Тө­рийн албаны Ме­рит тогтол­цоонд нэвтрүүлж буй шинэ санаачилга, арга ба­рил”, “Төрийн албаны Ме­рит тогтолцоо ба хамаарагч талуу­дын оролцоо”, “Төрийн албаны төв байгууллагуудын чуулга уулзалтуудын тов­чоон” зэрэг сэдвээр илтгэл тавих ажээ.