Өглөө.мн Шинэ өглөө, Шинэ мэдээлэл
Хөлний эвгүй үнэр буюу шивэр, хөлний хөлрөлт их байх нь хэн бүхэнд тавгүй бөгөөд бусад хүнд ч таагүй мэдрэмж төрүүлдэг. Тэгвэл гэрийн нөхцөлд хэрхэн амархан, үр дүнтэй арга хэмжээ авах вэ?
Хөлний шивэр болон хөлрөлт нь хамгийн түгээмэл асуудлын нэг бөгөөд ялангуяа урин дулааны улиралд хамгийн ихээр тулгамддаг. Тйимээс доорх аргууд болон зөвөлгөөг гэрийн нөхцөлд дагаж мөрдөөд өөртөө багахан цаг гаргаснаар та энэхүү асуудалд санаа зовох хэрэггүй болно.
1. Оймс – Оймс өмсөх шаардлагатай үед цэвэр даавуун материалтай оймс өмсөж заншаарай. Учир нь даавуун оймс хөлд агаар сайн нэвтрүүлдэг бөгөөд эвгүй үнэр гарахаас сэргийлдэг. Неолон болон бусад давуун бус материалтай оймс нь харин ч эвгүй үнэрийг улам ихэсгэдэг байна. Мөн таны хөл хөлөрч эхлэмэгц оймсыг шинэ оймсоор сольж байх хэрэгтэй. Оймсны ариун цэврээс хөлний үнэр шууд хамаарна.
2. Гутлын улавч – Хөлнөөс эвгүй үнэр үнэртэх, шивэртэж, хөлрөх бас нэг шалтгаан бол гутлын улавч юм. Та өдөр тутамдаа өөр өөр төрлийн гутал өмс ажил амьдралдаа явдаг байж болно. Туюль өмсөх үе байхад сандал эсвэл пүүз өмсөх шаардлагатай үе бас байдаг шүү дээ. Ямар ч гутал өмссөн бай улавчыг байнга хуурай байлгахаас гадна хөлийн уландаа тохируулан зузаан цаас эсвэл хөвөн даавуун материалаар улавч дэвсэж болно. Мөн өдөр тутамдаа гутлын улавчыг хатааж цэвэрлэж байх хэрэгтэй. Аль боло агаар сайн нэвтэрдэг сандал, углааш өмсөх хэрэгтэй. Нэг гутлаа өдөр тутамдаа байнга өмсөхөөс татгалзаарай.
3. Хөлний угаалга, арчилгаа – Хөлний үнэр, хөлрөлтийн асуудалтай бол та ялангуяа зуны улиралд өдөр бүр хөлөө угааж байх хэрэгтэй. Өглөө, орой өдөрт 2-3 удаа угаавал илүү сайн. Угаахдаа халуун бүлээн усанд хөлийг удаан байлгаж, үнэр ангижруулагчтай савангаар сайтар үрж угаана. Ялангуяа хөлийн ул, хуруунууд хоорондын зайг үрж, хөөсрүүлж угаана. Угаасны дараа хөлийг хуурай болтол арчиж хатаана. Нойтон чийгтэй хөл хөлрөхдөө болон үнэр гаргахдаа хялбар байдаг тул хамгийн чухал хэсэг бол хөлөө угаасны дараа хуурай алчуураар хэд хэдэн удаа сайтар арчих юм. Хуруунууд хоорондын зайг хаттал арчихаа мартав аа.
4. Цацлага – Хөлөө угааж сайтар хатаасны дараа хөлийн цацлага түрхэнэ. Хүүхдийн цацлага ч байсан болно. Ялангуяа хөлөрч, шивэртдэг хэсгүүдээр түрхээрэй. Өглөө ажилдаа гарахаасаа өмнө хөлөө угаагаад цацлагаа түрхээд хуурай шинэ оймс өмсөөд гараарай. Өдрийн турш санаа амар байх болно.
5. Цуутай ус – Мөн хөлний шивэр, хөлрөттэй тэмцэхийн тулд 1л усанд 1/2 цайны аяга цуу хийж сайтар хутгаад хөлөө хийж 15 минут дэвтээж амраана. Дараа нь цэвэр усаар зайлаад сайтар хатаагаарай. Цагаан цуу, алимны цуу аль нэг нь байж болно. Ингэснээр хөлний эвгүй үнэрийг дардаг байна.
6. Цайны идээ хандалсан ус – Мөн хөлний шивэр хөлрөлтийг багасгахын тулд 1л буцалсан усанд 4-5 ширхэг баахуу цай буюу дүрдэг цайг хийж сайтар хандлаж өнгө оруулна. Дараа нь үүнийгээ хүйтэн устай сэлбэж хөл дүрэх хэмжээнд тохируулна. Ингээд хөлөө цайны хандтай усанд хийж 20-25 минут байлгана. Чихэртэй болон, жимстэй цай хэрэглэж болохгүй.
Дээрх аргуудыг өдөр тутамдаа хэрэлэж, мөрдөж заншвал хөлний хөлрөлт, эвгүй үнэрээс бүрэн ангижрах боломжтой шүү.
1000jor.mn
