Өглөө.мн Шинэ өглөө, Шинэ мэдээлэл
Шинэ ногооны салат
Орц:
– Дунд зэргийн өргөст хэмх 1 ширхэг
– 2 ширхэг улаан лооль
– 150 гр салатны навч
– Хүсвэл ногоон эсвэл бөөрөнхий сонгино хийж болно Сонгино өөх шатаана
Амтлагч нь дараах сонголтуудтай
– Гүнжидийн үр 1 халбага, оливын тос 1 халбага, чимх давс хүсвэл хийхгүй байж болно
– Бэлэн салат амтлагчууд тос, давс их байдаг
Хийх арга: Бүх ногоогоо ижил хэмжээнд хэрчинэ. Өөрийн сонгосон амтлагчаа дээрээс нь нэмээд сайтар холиод л болно. Үүний дараагаар 5-10 мин хэсэг хугацаанд хөргөгчинд хийж болно. Маш амархан эрүүл салат
Байцааны салат
Орц:
– Ногоон байцаа 150 гр
– Ягаан байцаа 150гр
– Лууван 150гр
– Сонгино хагас бөөрөнхий эсвэл 50 гр ногоон сонгино
Амтлагч:
– Оливын тос 1 халбага, гүнжидийн үр, чимх давс
– Салат амтлагч
Хийх арга: Бүх байцаагаа хагас чанана. Эсвэл час халуун усанд дүрээд гаргаад ирж болно. Лууван болон байцаа сонгиноо бүгдийг нь урт нарийхан хэрчинэ. Луувангаа үрүүлээр үрж ч болно. Гол нь жижигхэн нарийхан л байх ёстой. Дээрээс нь сонгосон амтлагчаа холиод л хэсэг сэрүүн газар байрлуулаад бэлэн болно.
Алим, хүрэн манжингийн салат
Орц:
– Хүрэн манжин 200 гр
– Алим 300 гр
– Самар 50 гр бүх төрлийн самар байж болно
– Үзэм 50 гр хар чавга байж болно
Амтлагч дараах сонголттой
– Алимны уксус 1 халбага, зөгийн бал 1 халбага
– Цэвэр тараг жимстэй йогурт байж болно
Хийх арга: Хүрэн манжингаа арилгаад хагас чанаж болгоно. Хэт чанаж болохгүй. Алим болон хүрэн манжингаа яг адилхан хэлбэртэй хэрчинэ. Савхан эсвэл шоо дөрвөлжин гээд та дуртайгаараа хэрчиж болно. Самраа сайтар нухаад үйрмэг болгоно. Үзмээ угаагаад бүтнээр нь эсвэл жижигхэн хэрчээд хийж болно. Бүх орцуудаа сайтар холиод сонгосон амтлагчаа хийж хутгаад хэсэг 5-10 минут хөргөгч эсвэл сэрүүн газар тавиад л болно доо smile emoticon. Маш амттай салат
Дүпүтэй салат
Орц:
– Дүпү 150 гр
– Амтат чинжүү 150 гр
– Өргөст хэмх 150 гр
Амтлагч:
– Салат амтлагч
– Чимх давс хүсвэл оливын тос
Хийх арга: Дүпү-гээ хагас чанаж гаргаад хөргөнө. Бүх орцуудаа өөрт таалагддаг хэлбэрээр жижиглэн хэрчээд холино.Чинжүүгээ бүр жижигхэн хэрчвэл зүгээр байдаг. Амтлагчаа нэмнэ. Хольж сэгсрээд хэсэг сэрүүн газар тавиад л болно.
