“Атрын III аян”-ыг үргэлжлүүлэх ажлын хүрээнд  хийгдэж буй энэхүү ажил өнөөдөр бодит биелэлээ олж ургац хураалтын өмнө тариаланчдын гарт шинэ техник тоног төхөөрөмжүүд очиж байна.Газар тариалангийн техник тоног төхөөрөмжийг гардуулан өгөх үйл ажиллагаа Сэлэнгэ аймгийн Хөтөл суманд өчигдөр болсон. Арга хэмжээнд ХХААХҮ-ийн сайд П.Сэргэлэн, Монгол Улсын Ерөнхий сайд асан Ш.Гунгаадорж, УИХ-ын гишүүн Н.Оюундарь, Сэлэнгэ аймгийн Засаг дарга Ш.Оргил болон бусад албаны хүмүүс, тариаланчид оролцов.

Техникийн шинэчлэл гэдэг газар тариалангийн салбарт маш их хэрэгтэй. Сүүлийн 10 гаруй жил хийгдээгүй техникийн шинэчлэлийг өнөөдөр хийж байна. Ургацаа хураах, хадлан тэжээлээ бэлтгэж байгаа энэ үед шинэ, хүчин чадал өндөртэй техник тоног төхөөрөмж ашиглах нь  чухал юм” гэдгийг онцлов.

ОХУ-аас нийлүүлэгдэж байгаа техник тоног төхөөрөмжид үр тарианы  комбайн, өвс хамагч боогч, тармуур, ангилсан тариа хаман, хураагч, жатганы чиргүүл, будаа ачигч, трактор, будаа сортлогч, будаа цэвэрлэгч, хор цацагч, хор цацагч өөрөө явагч, сийрүүлүүр, үрлүүр хоёр давхар хадуур зэрэг техник тоног төхөөрөмжүүд нийлүүлэгдэж байна.

Монгол Улсын Ерөнхий сайд асан Ш.Гунгаадорж “Өнөөдөр газар тариалангийн сүүлийн үеийн тоног төхөөрөмжийн  иж бүрдлийг хараад маш их баярлаж байна. Атрын II аяныг туулсан, хөдөө аж ахуй газар тариалангийн салбарт насаараа зүтгэсэн хүний хувьд техникийн шинэчлэл хийнэ гэдэг ямар их чухал гэдгийг мэднэ.

Сүүлийн хэдэн жилд техникийн шинэчлэл хийгдээгүй явсаар шинэ Засгийн газрын үед техникийн шинэчлэл иж бүрнээрээ хийгдэж бодит ажил болж байгааг хараад сэтгэл өндөр байна.Үүнд Монгол Улсын Засгийн газар, ХХААХҮЯ, П.Сэргэлэн сайдад Атарчин хүний хувьд баярласнаа дахин хэлмээр байна.

П.Сэргэлэн сайдын хувьд ОХУ-руу олон удаа явж тохиролцсоны үр дүнд сүүлийн үеийн шинэ  техник тоног төхөөрөмж нийлүүлэгдэж байна. Энэ бол эхлэл” гэв.Мөн ОХУ-д үйлдвэрлэсэн техник тоног төхөөрөмж авч байгаа тариалан эрхлэгчдэд  цаг хугацаа, хөрөнгө мөнгөний хувьд их тус болсон, бидний ажлыг улам хөнгөвчилсөн ажил болж байна гэдгийг энэ үеэр хэлж байсан юм.

Эх сурвалж: ХХААХҮЯ