Ургац хураалт улсын хэмжээнд 88.3 хувьтай байна

Энэ сарын 7-8ны өдрүүдэд Дархан Уул, Төв, Булган, Архангай, Өвөрхангай, Хэнтий аймгийн тариалангийн бүс нутгуудад нойтон цас орсны улмаас 3-10 см-ын цасан бүрүүл үүсэж хураалтын ажил түр саатаад байгаа аж. Энэ оны ургац хураалтыг урьдчилсан байдлаар 288 мянган га-гаас 271 мянган тонн үр тариа, үүнээс 259.2 мянган тонн буудай, 11.2 мянган га-гаас 102.3 мянган тонн төмс, 6.9 мянган га-гаас 75.7 мянган тонн хүнсний ногоо, 6.5 мянган га-гаас 23.6 мянган тонн  тосны ургамал, 43.5 мянган га-гаас 47.3 мянган тонн малын тэжээлийн ургамал тус тус хураан авахаар тогтоогдсон байна. Иймээс улсын хэмжээнд үр тарианы хураалтын явц 88.3 хувь, төмс, хүнсний ногооны хураалт 94.5 хувьтай явагдаж байна.