Өглөө.мн Шинэ өглөө, Шинэ мэдээлэл
“Утааны эсрэг ээж аавууд” ТББ-ийнхан өвөл хаяанд ирсэнтэй холбогдуулан утааны эсрэг дахин тэмцэхээр болжээ. Тухайлбал ирэх сарын 10-нд Нийслэлийн засаг даргын тамгын газар, 17- нд Нийслэлийн агаарын бохирдлыг бууруулах газрын гадаа, 24-нд Хүний эрхийн үндэсний комиссын гадаа жагсахаар төлөвлөжээ.
Тус ТББ-ын удирдлагууд өчигдөр Ерөнхий сайд У.Хүрэлсүхэд хүсэлт илгээжээ. Уг хүсэлтэд “Утааг арилгах Мастер төлөвлөгөө нэртэй мөрөөдлийн жагсаалтаа дахин боловсруулаач, иргэд жагссанаас хойшхи долоон сарын туршид утааны эсрэг хийсэн ажлаа дүгнэн цаашдын ажлаа эрчимжүүлээч” гэсэн утга бүхий хоёр албан бичгийг хүргүүлсэн байна.
