Өглөө.мн Шинэ өглөө, Шинэ мэдээлэл
Мисс А.Баярцэцэгийн төрсөн өдөр өчигдөр тохиожээ. Тэрбээр хамгийн сүүлд Холливуудын Attraction тулаант кинонд дүр бүтээж сайн үйлсийн ажилд идэвхтэй оролцож байна. Тэрбээр өчигдөрхөн цахим хуудастаа төрсөн өдрийнхөө бэлгэнд цугларсан мөнгөөр болоцоогүй нэг айлд иж бүрэн гэр бэлэглэнэ гэж нийтэлжээ.
А.Баярцэцэг “27 насны төрсөн өдөр маш сайхан болсон. Сайн найзууд, ах эгч нарын маань буянд бэлэгний оронд өвлийн 1 гэрийн мөнгө цугларлаа. Юмыг яаж мэдэхэв дахиад 1 гэр ч олдож магадгүй байгаа. Өвлийн хүйтэнд даарч, хөрч яваа нэг ч гэсэн айлын амьдралд нэмэр болох байх гэж найдаж байна.
Харин өгөх хүнээ маш зөв сонгох нь чухал байна. Бидэнд хэд хэдэн хувилбарууд одоогоор байгаа, харин санал болгох хүн байвал яаралтай хэлж өгөөч. Бид эцсийн байдлаар нөгөөдөртөө багтаад хэнд гэр өгөх нь хамгийн зөв болох вэ гэдгээ эцэслэн шийдэх гэсэн юм. Боломж муутай боловч амьдралын төлөө хирэндээ зүтгэж яваа, ажилсаг, хөдөлмөрч, архи уудаггүй, дэмжээд өгөхөд аваад явчхаар сайхан хүмүүс таньж мэддэг, харсан сонссон бол хэлж өгөөч найзуудаа. Энэ 7 хоногийн бүтэн сайнд гэрээ барина” гэж бичжээ.
