Өглөө.мн Шинэ өглөө, Шинэ мэдээлэл
Өнгөрсөн бямба гаригт Холливудын од Майкл Дугласын аав Кирк Дуглас 101 насныхаа төрсөн өдрийг тэмдэглэжээ. Кирк Дуглас Холливудын домогт төдийгүй хамгийн урт насалж буй жүжигчдийн нэг билээ. Тэрээр Холливудын алтан үеийн 50 гаруй кинонд тоглосон байна.
“Амжилтад хүрье гэвэл бүдэрч унах зоригтой бай” хэмээн хэлж байсан Кирк Орос гаралтай Америкийн жүжигчин. Жинхэнэ нэр нь Исер Даниелович Демский. Америкийн кино институтээс гаргасан бүх цаг үеийн шилдэг эрэгтэй жүжигчид жагсаалтын 17-д бичигдсэн.
Беларусиас Нью-Йоркт цагаачилсан еврей гэр бүлд мэндэлсэн Кирк Дуглас дэлхийн II дайны үед АНУ-ын тэнгисийн хүчинд алба хаахаар бүртгүүлэхдээ нэрээ албан ёсоор сольсон байна. Ядуу айлд өссөн тэрээр элдэв хар бор ажил хийж явсаар Нью-Йорк дахь Драмын урлагийн академид шалгуулан тэнцэж, тусгай тэтгэлгээр суралцсан.
Холливудын кино найруулагч Свивен Спилберг
1946 онд анхныхаа “The Strange Love of Martha Ivers” кинондоо тогложээ.
