Алтан-Овоо, Шилийн Богд руу зорчихгүй байхыг анхаарууллаа

Монголын уламжлалт сар шинийн баярыг тохиолдуулан шинийн 8-15-ны хооронд Сүх­баатар аймгийн Дарьганга сумын Шилийн Богд хайрханд мөргөх, хийморь сэргээх, шинийн 8-ны нарыг харах гэсэн аялагч, зорчигчдын тоо нэмэгд­дэг. Иймд орон нут­гийн холбогдох байгуул­лагуудаас сэрэмжлүүлэг гаргажээ.

Сэрэмжлүүлэгт Шилийн Богд руу явахдаа Асгат сумаар дамжин явах боломжгүй цас их, зам даваа хаагдсан байгааг сануулав. Харин Дарьганга сумаар дамжин ариутгал халдваргүйтгэлийг хийл­гэн зорчих боломжтой. Ингэхдээ автомашины аюулгүй байдлыг хангаж туулах чадвар сайтай автомашинтай явах, хүүхэд болон эмэгтэйчүүдийг авч явахгүй байх, аюулгүй байдлаа сайтар хангахыг анхааруулсан байна.
Түүнчлэн Сүхбаатар аймгийн Онгон, Наран, Эрдэнэцагаан сумдад малын гоц халдварт шүлхий өвчин гарч хорио цээрийн дэглэм тогтоосон учир тус сумд руу зорчихгүй байхыг анхааруулжээ.

Зууны мэдээ сонин