Өглөө.мн Шинэ өглөө, Шинэ мэдээлэл
Эмэгтэйчүүд эрчүүдийг бодвол бусдын хар цагаан хэл ам болон ямарваа муу зүйлсээс сэвтэхдээ амархан байдаг. Магадгүй энэ нь ирээдүйд эх хүн болдогтой нь холбоотой болов уу. Тиймээс ч өөрийн энергийг хадгалах, алдахгүй байхад онцгойлон анхаарах нь чухал. Учир нь эх хүний энерги, үр хүүхэдтэй нь ч мөн дам холбоотой байдаг тул та зарим зүйлсээс цээрлэж, аль болох хол байх хэрэгтэй юм.
1. Гоо үзэмж
Бүсгүйчүүдийн гоо үзэмж, өөртөө итгэх итгэл, зүс царай гундаад ирэхэд, түүнийг нь дагаад биеийн эрчим хүч, энерги давхар гундаж ирдэг аж. Тиймээс та үргэлж өөртөө арчаатай байж, харц дээгүүр бардам алхаарай.
2. Сэтгэл гутрал
Сэтгэл санаагаар унах, үргэлж хар бараан сөрөг зүйлсийн тухай бодох таны энергийг үгүй хийдэг.
3. Хүсэл, сонирхолгүй байх
Хүн бүрт л хийх дуртай, түүнээсээ кайф, сэтгэлийн тайтгарал авдаг зүйлс гэж байдаг. Харин огтоос тиймэрхүү сонирхол, амьдралын идэвхигүй амьдрах таны энергийг үгүй хийх болно.
4. Залхуу, хойрго байдал
Бүсгүй хүн бүрт төрөлхийн бүтээлч чадвар байдаг. Бүхний ур дүй, ая ухааныг олохдоо гаргууд, хөдөлмөрч байдлаараа эрчүүдээс эрхгүй ялгагдана. Гэтэл төрөлхийн тэрхүү чадвараа үхүүлж, ямарваад үргэлж залхуу хойрго байдлаар хайнга хандах тийм ч сайн зүйл биш юм.
5. Чиглүүлэх
Эр нөхрөө их гавъяа, гэрэл гэгээтэй бүхэн рүү чиглүүлж, цаашдын замыг нь засах нь эхнэр хүний үүрэг байдаг. Тийм байтал хань ижлээ эсэргээр нь муу зүйл рүү залж чиглүүлэх нь тэдний энергийг үгүй хийдэг.
6. Эмэгтэйлэг байдлаа алдах
Амьдралын нөхцөл байдлаас шалтгаалж өнөөдөр олон бүсгүйчүүд гадаа гарч эр, гэрт орж эм болсоор байгаа нь нууц биш. Гэтэл хүйсийн энэхүү тэнцвэрт байдал алдагдаж, бүсгүйчүүд эрчүүдийн ажилд хэт орох, эмэгтэйлэг байдлаа алдах сайн зүйл биш ажээ.
7. Атаархал
Өөрт байгаа зүйлдээ ханахгүй бусдын эд хөрөнгө, гоо үзэмжинд шунах таны энергийг үгүй хийх бас нэгэн шалтгаан болдог аж.
8. Найз нөхөдгүй байх
Бүсгүйчүүд эрчүүдийг бодоход илүү илэн далангүй нээлттэй хүмүүс байдаг. Тиймдээ ч өөр хоорондоо болсон явдал, шинэ соргог бүхнийг хуучлан ярилцдаг. Ингэснээр стресс бухимдлыг таягдан хаяж, өөрийгөө шинэ энерги эрч хүчээр сэлбэж байдаг билээ. Тэгэж чадахгүй бол, эмэгтэй хүний энерги үгүй болж эхэлдэг гэнэ.
9. Өөртөө цаг гаргахгүй байх
Өөртөө цаг гаргаж, тайван байж бүхнийг бодох нь танд сайнаар нөлөөлнө. Харин эсрэгээрээ өөрийгөө мартаж, бусдын төлөө хэт гүйх таныг хүндхэн байдалд оруулж ч мэдэх юм шүү.
