“Аз жаргалтай Улаанбаатар” хот баримлыг гэмтээсэн этгээдүүдийг илрүүлж, хохирлыг барагдуулахыг хүслээ

Хот чимэглэлийн баримлыг гэмтээсэн тул яаралтай арга хэмжээ авч ажиллах талаар албан бичгийг Улаанбаатар хотын захирагчийн ажлын албанаас Нийслэлийн Цагдаагийн Газарт хандан хүргүүлжээ.

Албан бичигт “Сүхбаатар дүүргийн нутаг дэвсгэр, Сөүлийн гудамжинд байрлах “Аз жаргалтай Улаанбаатар” хот чимэглэлийн нэг ширхэг баримлыг 2018 оны тавдугаар сарын 03-ны шөнө үл мэдэгдэх хүмүүс танхайн сэдэлтээр гэмтээсэн байна.
Энэхүү баримал болон 45-р сургуулийн өмнө байрлуулсан хот чимэглэлийн гэр бүлийн дүрс бүхий баримлыг 2017 онд нийслэлийн төсвийн хөрөнгө 20 сая төгрөгөөр барьж суурилуулсан болно. Иймд гэмт этгээдүүдийг илрүүлэх хохирлыг барагдуулах арга хэмжээг яаралтай авч ажиллана уу” гэжээ.

Албан бичиг