Өглөө.мн Шинэ өглөө, Шинэ мэдээлэл
НӨАТ-ын урамшууллын 2019 оны хоёрдугаар сарын сугалааны тохирол өчигдөр Боловсрол телевизээр орон даяар шууд явагдаж, нийт 23,771 азтан тодорсон.
Түүнчлэн иргэн та сугалааны тохирол явагдсаны дараа азтан болсон, эсэхээ мэдсэн бол ebarimt.mn цахим хуудас дахь өөрийн бүртгэлийн хэсэгт оронгуут баруун дээд буланд нь ХҮСЭЛТЭЭ БАТАЛГААЖУУЛНА УУ гэсэн цонх гарч ирнэ.
БАТАЛГААЖУУЛАХ гэсэн хэсэгт дарж, мэдээллээ үнэн зөв бөглөж, ХҮСЭЛТИЙГ БАТАЛГААЖУУЛАХ хэсэгт дарснаар таны хүсэлт баталгаажина. Хүсэлтээ 90 ХОНОГ-ийн дотор баталгаажуулах боломжтой.
Харин 1,000,000 болон түүнээс дээш дүнгийн азтан болсон бол хүсэлт /2 хувь/, иргэний үнэмлэх, баримттайгаа ТЕГ-ын Орлогын газарт хандана. Хөдөө, орон нутгийн иргэн бол тухайн аймгийнхаа Татварын хэлтэст дээрх материалыг бүрдүүлж өгнө.
Хүсэлтээ баталгаажуулсанаас хойш таны хонжворын мөнгө АЖЛЫН 20 ХОНОГ-т багтан ebarimt.mn цахим хуудсанд бүртгэлтэй дансанд тань орно гэсэн мэдээллийг Татварын ерөнхий газраас өглөө.
