Шүүхийн шийдвэр гүйцэтгэх ерөнхий газрын харьяа цагдан хорих 461-р ангид дахин нэг хүн амь насаа алджээ. Тодруулбал, хорих ангид ял эдэлж байсан ялтан амь насаа алдсан хэрэг 2019 оны гуравдугаар сарын 20-ны өдөр гарчээ. Амиа алдсан 36 настай иргэн А нь гаднаа ил харагдах шархгүйгээр нас барсан байсныг цагдаагийн байгууллагаас шалгаж байгаа аж.
Эх сурвалжийн мэдээлж буйгаар талийгаач А нь онц хүнд гэмт хэргийн улмаас цагдан хоригдож байжээ. Урьдчилсан байдлаар талийгаачийн үхлийн шалтгааныг өвчний улмаас хэмээн дүгнэж байгаа ч задлан шинжилгээний дараа эцсийн шалтгааныг тогтооно гэдгийг албаныхан хэлэв.
Одоогоос сар гаруйн өмнө гавьяат шүүгч Л.Бямбаа тус хорих ангид саатуулагдаж байхдаа амиа алдсан харамсалтай хэрэг гарч байсан.