Батсүмбэр сум дахь “Ахмад настны үндэсний төв”-ийн ахмадууд 5,2 сая төгрөгийг хандивлалаа

Батсүмбэр сум дахь “Ахмад настны үндэсний төв”-ийн ахмадууд шинэ коронавируст халдвараас урьдчилан сэргийлэх арга хэмжээнд зориулж, өөрсдийн халуун сэтгэлийн хандиваа өнөөдөр Улсын онцгой комисст хүлээлгэн өглөө.

  Тус төвийн 170 ахмад хандивын аянд нэгдэж, нийт 5,2 сая төгрөгийг цуглуулсан байна.

  Ахмадууд Монгол хүн бүр өөрийнхөө болоод бусдын амь нас, эрүүл мэндийг сахин хамгаалж, төр засгаас авч хэрэгжүүлж байгаа арга хэмжээг даган биелүүлж, хамтдаа шинэ коронавирусаас урьдчилан сэргийлэхэд гар бие оролцохыг уриалж, эрүүл энх, аз жаргалын дээдийг хүсэн ерөөлөө.

http://credit-n.ru/zaymi-na-kartu-blog-single.html