Өглөө.мн Шинэ өглөө, Шинэ мэдээлэл
Нийслэлийн нутаг дэвсгэр дэх нүүрс олборлох 23, түгээмэл тархацтай ашигт малтмал ашиглалтын 156, нийт 177 ашиглалтын тусгай зөвшөөрөл эзэмшигчдийн үйл ажиллагаанд хяналт шалгалт хийж гүйцэтгэлээ
Шалгалтаар 53 ААН-д 37.8 сая төгрөг торгууль ногдуулан хялбаршуулсан журмаар шийдвэрлэж, 53 зөрчлийн үр дагавар арилгах даалгавар, 147 зөвлөмж мэдэгдэл, 58 заалт бүхий 8 албан шаардлага, 2 ААН-ийн зөрчлийг шалгуулахаар Цагдаагийн байгууллагад шилжүүлсэн.
НЗД-ын 2017 оны А/609, 2019 оны А/540 дугаар захирамжаар 96 тусгай зөвшөөрөл, А/539 дугаар захирамжаар хайгуулын 1 тусгай зөвшөөрлийг цуцалж шийдвэрлэсэн. НЗД-ын захирамжаар тусгай зөвшөөрөл нь цуцлагдсан аж ахуйн нэгжүүд захиргааны хэргийн шүүхэд нэхэмжлэл гаргаснаас:
Шүүхийн шүүгчийн захирамжаар Местранспортейшн, Ди Эйч Пи Эн, Морин даваа дайрга компаниудын 3 тусгай зөвшөөрлийг, Нийслэлийн Засаг даргын захирамжаар /А/1010, А/415, А/255, А/613, А/236/ 20 тусгай зөвшөөрлийг тус тус сэргээсэн байна. Монголжодоо, Марикоманхан, Баттөр гэрэл, Зорь итгэ бүтээ гэсэн 4 аж ахуйн нэгжийн 5 тусгай зөвшөөрлийг цуцлах шийдвэрийг хэвээр үлдээж, Шилмэл хаус ХХК-ийн 1 хайгуулын тусгай зөвшөөрлийг цуцаллаа.
Тусгай зөвшөөрөл цуцлагдсан 96 аж ахуйн нэгжүүдээс 68 тусгай зөвшөөрөл эзэмшигчдийн нэхэмжлэл шүүх шатны байгууллагад хянагдаж байна. Мөн Нийслэлийн нутаг дэвсгэр дэх ашигт малтмалын тусгай зөвшөөрлөөс нүүрс олборлох 12 тусгай зөвшөөрлийг цуцлуулж, 9 ААН-ийн тусгай зөвшөөрлийг цуцлуулах дүгнэлтийг гаргаж НЗД-т хүргүүлж, Нийслэлийн Засаг дарга Байгаль орчны яаманд хүргүүлээд байна. Шалгалтаар 39 ам цооног гарган хууль бусаар нүүрс олборлох үйл ажиллагаа явуулж байсан иргэдийн үйл ажиллагааг зогсоож, эрүүгийн хэрэг үүсгүүлэхээр цагдаагийн байгууллагад шилжүүллээ гэж Нийслэлийн Мэргэжлийн хяналтын газраас мэдээллээ.
